निश्चय प्रेम प्रतीति ते, विनय करैं सनमान। तेहि के कारज सकल शुभ, सिद्ध करैं हनुमान॥

Nishchaya prema prateeti te, binaya karai sanmaan. Tehi ke kaaraja sakala shubha, siddha karai Hanumaan.

जय हनुमंत संत हितकारी। सुनि लीजै प्रभु अरज हमारी॥

Jaya Hanumanta santa hitakaaree. Suni leejai prabhu araja hamaaree.

जन के काज बिलंब न कीजै। आतुर दौरि महा सुख दीजै॥

Jana ke kaaja bilamba na keejai. Aatura dauri mahaa sukha deejai.

जैसे कूदि सिंधु महिपारा। सुरसा बदन पैठि बिस्तारा॥

Jaise koodi sindhu mahipaaraa. Surasaa badana paithi bistaaraa.

आगे जाइ लंकिनी रोका। मारेहु लात गई सुर लोका॥

Aage jaai Lankinee rokaa. Maarehu laata gaee sura lokaa.

जाय बिभीषन को सुख दीन्हा। सीता निरखि परमपद लीन्हा॥

Jaaya Bibheeshana ko sukha deenhaa. Seetaa nirakhi paramapada leenhaa.

बाग उजारि सिंधु महँ बोरा। अति आतुर जमकातर तोरा॥

Baaga ujaari sindhu maha boran. Ati aatura jamakaatara toraa.

अक्षय कुमार मारि संहारा। लूम लपेटि लंक को जारा॥

Akshaya kumaara maari sanhaaraa. Looma lapeti lanka ko jaaraa.

लाह समान लंक जरि गई। जय जय धुनि सुरपुर महँ भई॥

Laaha samaana lanka jari gaee. Jaya jaya dhuni surapura maha bhaee.

अब बिलंब जेहि कारन स्वामी। कृपा करहु उर अंतरयामी॥

Aba bilamba jehi kaarana svaamee. Kripaa karahu ura antarayaamee.

जय जय लखन प्रान के दाता। आतुर होइ दुख हरहु निपाता॥

Jaya jaya Lakhana praana ke daataa. Aatura hoi dukha harahu nipaataa.

जै गिरिधर जै जै सुख सागर। सुर समूह समरथ भटनागर॥

Jai giridhara jai jai sukha saagara. Sura samooha samaratha bhatanaagara.

ॐ हनु हनु हनु हनुमंत हठीले। बैरिहि मारु बज्र की कीले॥

Om hanu hanu hanu Hanumanta hatheele. Bairihi maaru bajra kee keele.

गदा बज्र लै बैरिहिं मारो। महाराज प्रभु दास उबारो॥

Gadaa bajra lai bairihi maaro. Mahaaraaja prabhu daasa ubaaro.

ॐकार हुंकार महाप्रभु धावो। बज्र गदा हनुमंत गदावो॥

Omkaara humkaara mahaaprabhu dhaavo. Bajra gadaa Hanumanta gadaavo.

ॐ ह्रीं ह्रीं ह्रीं हनुमंत कपीसा। ॐ हुं हुं हुं हनु अरि उर सीसा॥

Om hreem hreem hreem Hanumanta kapeesaa. Om hum hum hum hanu ari ura seesaa.

सत्य होहु हरि शपथ पायके। राम दूत धरु मारु धायके॥

Satya hohu Hari shapatha paayake. Raama doota dharu maaru dhaayake.

जय जय जय हनुमंत अगाधा। दुख पावत जन केहि अपराधा॥

Jaya jaya jaya Hanumanta agaadhaa. Dukha paavata jana kehi aparaadhaa.

पूजा जप तप नेम अचारा। नहिं जानत कछु दास तुम्हारा॥

Poojaa japa tapa nema achaaraa. Nahin jaanata kachhu daasa tumhaaraa.

बन उपबन मग गिरि गृह माहीं। तुम्हरे बल हम डरपत नाहीं॥

Bana upabana maga giri griha maaheen. Tumhare bala hama darapata naaheen.

जनकसुता हरि दास कहावो। ताकी शपथ बिलंब न लावो॥

Janakasutaa Hari daasa kahaavo. Taakee shapatha bilamba na laavo.

जय जय जय धुनि होत अकासा। सुमिरत होत दुसह दुख नासा॥

Jaya jaya jaya dhuni hota akaasaa. Sumirata hota dusaha dukha naasaa.

चरन पकरि कर जोरि मनावौं। यहि औसर अब केहि गोहरावौं॥

Charana pakari kara jori manaavau. Yahi ausara aba kehi goharaavau.

उठु उठु चलु तोहि राम दोहाई। पाँयन परौं कर जोरि मनाई॥

Uthu uthu chalu tohi Raama dohaaee. Paanyan parau kara jori manaaee.

ॐ चं चं चं चं चपल चलंता। ॐ हनु हनु हनु हनु हनुमंता॥

Om cham cham cham cham chapala chalantaa. Om hanu hanu hanu hanu Hanumantaa.

ॐ हं हं हाँक देत कपि चंचल। ॐ सं सं सहमि पराने खल-दल॥

Om ham ham haanka deta kapi chanchala. Om sam sam sahami paraane khala-dala.

अपने जन को तुरत उबारो। सुमिरत होय आनंद हमारो॥

Apane jana ko turata ubaaro. Sumirata hoya aananda hamaaro.

यहै बान सुमिरै मन लाही। ताके कारज सकल सिधाहीं॥

Yahai baana sumirai mana laahee. Taake kaaraja sakala sidhaaheen.

यह बजरंग बाण जेहि मारे। ताहि कहो फिर कौन उबारे॥

Yaha Bajaranga Baana jehi maare. Taahi kaho phira kauna ubaare.

पाठ करै बजरंग बाण की। हनुमत रक्षा करैं प्रान की॥

Paatha karai Bajaranga Baana kee. Hanumata rakshaa karain praana kee.

यह बजरंग बाण जो जापै। ताते भूत प्रेत सब कांपै॥

Yaha Bajaranga Baana jo jaapai. Taate bhoota preta saba kaanpai.

धूप देय जो जपै हमेशा। ताके तन नहिं रहै कलेशा॥

Dhoopa deya jo japai hameshaa. Taake tana nahin rahai kaleshaa.

उर प्रतीति दृढ़, सरन ह्वै, पाठ करै धरि ध्यान। बाधा सब हर, करैं सब, काम सफल हनुमान॥

Ura prateeti dridha, sarana hvai, paatha karai dhari dhyaana. Baadhaa saba hara, karain saba, kaama saphala Hanumaan.

पवनतनय संकट हरन, मंगल मूरति रूप। राम लखन सीता सहित, हृदय बसहु सुर भूप॥

Pavana-tanaya sankata harana, mangala moorati roopa. Raama Lakhana Seetaa sahita, hridaya basahu sura bhoopa.