दोहा 1Playing
निश्चय प्रेम प्रतीति ते, विनय करैं सनमान। तेहि के कारज सकल शुभ, सिद्ध करैं हनुमान॥
Nishchaya prema prateeti te, binaya karai sanmaan. Tehi ke kaaraja sakala shubha, siddha karai Hanumaan.
श्री बजरंग बाण
गोस्वामी तुलसीदास (Goswami Tulsidas) • Gita Press, Gorakhpur Traditional Text
आरंभिक दोहा (Opening Doha)
चौपाई (Chaupai)
चौपाई 1
जय हनुमंत संत हितकारी। सुनि लीजै प्रभु अरज हमारी॥
Jaya Hanumanta santa hitakaaree. Suni leejai prabhu araja hamaaree.
चौपाई 2
जन के काज बिलंब न कीजै। आतुर दौरि महा सुख दीजै॥
Jana ke kaaja bilamba na keejai. Aatura dauri mahaa sukha deejai.
चौपाई 3
जैसे कूदि सिंधु महिपारा। सुरसा बदन पैठि बिस्तारा॥
Jaise koodi sindhu mahipaaraa. Surasaa badana paithi bistaaraa.
चौपाई 4
आगे जाइ लंकिनी रोका। मारेहु लात गई सुर लोका॥
Aage jaai Lankinee rokaa. Maarehu laata gaee sura lokaa.
चौपाई 5
जाय बिभीषन को सुख दीन्हा। सीता निरखि परमपद लीन्हा॥
Jaaya Bibheeshana ko sukha deenhaa. Seetaa nirakhi paramapada leenhaa.
चौपाई 6
बाग उजारि सिंधु महँ बोरा। अति आतुर जमकातर तोरा॥
Baaga ujaari sindhu maha boran. Ati aatura jamakaatara toraa.
चौपाई 7
अक्षय कुमार मारि संहारा। लूम लपेटि लंक को जारा॥
Akshaya kumaara maari sanhaaraa. Looma lapeti lanka ko jaaraa.
चौपाई 8
लाह समान लंक जरि गई। जय जय धुनि सुरपुर महँ भई॥
Laaha samaana lanka jari gaee. Jaya jaya dhuni surapura maha bhaee.
चौपाई 9
अब बिलंब जेहि कारन स्वामी। कृपा करहु उर अंतरयामी॥
Aba bilamba jehi kaarana svaamee. Kripaa karahu ura antarayaamee.
चौपाई 10
जय जय लखन प्रान के दाता। आतुर होइ दुख हरहु निपाता॥
Jaya jaya Lakhana praana ke daataa. Aatura hoi dukha harahu nipaataa.
चौपाई 11
जै गिरिधर जै जै सुख सागर। सुर समूह समरथ भटनागर॥
Jai giridhara jai jai sukha saagara. Sura samooha samaratha bhatanaagara.
चौपाई 12
ॐ हनु हनु हनु हनुमंत हठीले। बैरिहि मारु बज्र की कीले॥
Om hanu hanu hanu Hanumanta hatheele. Bairihi maaru bajra kee keele.
चौपाई 13
गदा बज्र लै बैरिहिं मारो। महाराज प्रभु दास उबारो॥
Gadaa bajra lai bairihi maaro. Mahaaraaja prabhu daasa ubaaro.
चौपाई 14
ॐकार हुंकार महाप्रभु धावो। बज्र गदा हनुमंत गदावो॥
Omkaara humkaara mahaaprabhu dhaavo. Bajra gadaa Hanumanta gadaavo.
चौपाई 15
ॐ ह्रीं ह्रीं ह्रीं हनुमंत कपीसा। ॐ हुं हुं हुं हनु अरि उर सीसा॥
Om hreem hreem hreem Hanumanta kapeesaa. Om hum hum hum hanu ari ura seesaa.
चौपाई 16
सत्य होहु हरि शपथ पायके। राम दूत धरु मारु धायके॥
Satya hohu Hari shapatha paayake. Raama doota dharu maaru dhaayake.
चौपाई 17
जय जय जय हनुमंत अगाधा। दुख पावत जन केहि अपराधा॥
Jaya jaya jaya Hanumanta agaadhaa. Dukha paavata jana kehi aparaadhaa.
चौपाई 18
पूजा जप तप नेम अचारा। नहिं जानत कछु दास तुम्हारा॥
Poojaa japa tapa nema achaaraa. Nahin jaanata kachhu daasa tumhaaraa.
चौपाई 19
बन उपबन मग गिरि गृह माहीं। तुम्हरे बल हम डरपत नाहीं॥
Bana upabana maga giri griha maaheen. Tumhare bala hama darapata naaheen.
चौपाई 20
जनकसुता हरि दास कहावो। ताकी शपथ बिलंब न लावो॥
Janakasutaa Hari daasa kahaavo. Taakee shapatha bilamba na laavo.
चौपाई 21
जय जय जय धुनि होत अकासा। सुमिरत होत दुसह दुख नासा॥
Jaya jaya jaya dhuni hota akaasaa. Sumirata hota dusaha dukha naasaa.
चौपाई 22
चरन पकरि कर जोरि मनावौं। यहि औसर अब केहि गोहरावौं॥
Charana pakari kara jori manaavau. Yahi ausara aba kehi goharaavau.
चौपाई 23
उठु उठु चलु तोहि राम दोहाई। पाँयन परौं कर जोरि मनाई॥
Uthu uthu chalu tohi Raama dohaaee. Paanyan parau kara jori manaaee.
चौपाई 24
ॐ चं चं चं चं चपल चलंता। ॐ हनु हनु हनु हनु हनुमंता॥
Om cham cham cham cham chapala chalantaa. Om hanu hanu hanu hanu Hanumantaa.
चौपाई 25
ॐ हं हं हाँक देत कपि चंचल। ॐ सं सं सहमि पराने खल-दल॥
Om ham ham haanka deta kapi chanchala. Om sam sam sahami paraane khala-dala.
चौपाई 26
अपने जन को तुरत उबारो। सुमिरत होय आनंद हमारो॥
Apane jana ko turata ubaaro. Sumirata hoya aananda hamaaro.
चौपाई 27
यहै बान सुमिरै मन लाही। ताके कारज सकल सिधाहीं॥
Yahai baana sumirai mana laahee. Taake kaaraja sakala sidhaaheen.
चौपाई 28
यह बजरंग बाण जेहि मारे। ताहि कहो फिर कौन उबारे॥
Yaha Bajaranga Baana jehi maare. Taahi kaho phira kauna ubaare.
चौपाई 29
पाठ करै बजरंग बाण की। हनुमत रक्षा करैं प्रान की॥
Paatha karai Bajaranga Baana kee. Hanumata rakshaa karain praana kee.
चौपाई 30
यह बजरंग बाण जो जापै। ताते भूत प्रेत सब कांपै॥
Yaha Bajaranga Baana jo jaapai. Taate bhoota preta saba kaanpai.
चौपाई 31
धूप देय जो जपै हमेशा। ताके तन नहिं रहै कलेशा॥
Dhoopa deya jo japai hameshaa. Taake tana nahin rahai kaleshaa.
समापन दोहा (Closing Doha)
दोहा 1
उर प्रतीति दृढ़, सरन ह्वै, पाठ करै धरि ध्यान। बाधा सब हर, करैं सब, काम सफल हनुमान॥
Ura prateeti dridha, sarana hvai, paatha karai dhari dhyaana. Baadhaa saba hara, karain saba, kaama saphala Hanumaan.
दोहा 2
पवनतनय संकट हरन, मंगल मूरति रूप। राम लखन सीता सहित, हृदय बसहु सुर भूप॥
Pavana-tanaya sankata harana, mangala moorati roopa. Raama Lakhana Seetaa sahita, hridaya basahu sura bhoopa.